ᐊᐅᓪᓛᖅᑐᓄᑦ ᓴᓂᑭᓗᐊᕐᒧᑦ ᐊᒥᓲᕗᑦ ᑕᑯᔭᒃᓴᓂᑦ ᐊᒻᒪᓗ ᑲᔾᔭᐅᓴᒡᓗᓂ ᐱᖅᑯᓯᐅᔪᓂᑦ, ᐆᒪᔪᖏᓐᓂᑦ ᐊᒻᒪᓗ ᑲᔾᔮᕐᓇᖅᑐᒥᑦ ᒪᓂᖅᑲᖓᓂᑦ ᐊᕙᓗᓯᒪᔪᓂᑦ ᕼᒻᓚᐅᔪᒥᑦ. ᕿᑭᖅᑕᖓᑦ ᕿᒥᕐᕈᐊᖅᑕᐅᔪᓐᓇᖅᐳᖅ ᐅᒥᐊᒃᑯᑦ ᐊᒻᒪᓗ ᖃᔭᕆᐊᒃᑯᑦ, ᐊᒻᒪᓗ ᓯᓈᖓ ᑕᓯᖏᓪᓗ ᐃᖃᓪᓕᐊᕐᕕᐅᔪᓐᓇᑦᑎᐊᖅᐳᑦ. ᓄᓇᒥᑦ ᐃᖏᕐᕋᔪᓐᓇᖅᐳᑦ ᖁᙱᐊᕆᐊᕐᓗᑎᒃ ᐆᒪᔪᓂᑦ, ᑎᖕᒥᐊᓂᒃ ᑕᐅᑐᒋᐊᕐᓗᑎᒃ, ᐅᕝᕙᓘᓐᓃᑦ ᑲᔾᔭᐅᓴᑐᐃᓐᓇᕐᓗᑎᒃ ᐊᒃᑐᖅᓯᒪᖏᑦᑐᒥᑦ ᓄᓇᖓᓐᓂ. ᐊᐅᔭᒃᑯᑦ, ᑕᖕᒫᕐᓗᓂ ᐊᒻᒪᓗ ᐱᓱᒡᓗᑎᒃ ᕿᑭᖅᑕᓂᑦ ᐊᒻᒪᓗ ᐅᑭᐅᒃᑯᑦ ᓯᑐᕋᕈᓐᓇᖅᐳᑦ ᐊᒻᒪᓗ ᑕᖕᒫᕐᓗᓂ ᐃᒡᓗᕕᒐᕐᒥᑦ. ᖃᒧᑕᐅᔭᐃᑦ ᐊᒻᒪᓗ ᑎᓴᒪᓖᑦ ᐊᑐᐃᓐᓇᐅᕗᑦ ᐊᑐᖅᑐᐊᕐᓂᕐᒧᑦ ᓄᓇᓖᑦ ᐃᓗᐊᓂ ᐊᕐᕌᒍᓕᒫᑦ. ᖃᓄᑐᐃᓐᓇᖅ ᓂᕈᐊᕆᔭᐅᔪᖅ ᕿᒥᕐᕈᐊᕈᒪᓂᖓᓂ ᕿᑭᖅᑕᒥᑦ, ᒥᐊᓂᕆᔭᖃᖅᐳᑦ ᐊᒻᒪᓗ ᐊᓐᓄᕌᓂ ᐊᑐᖅᑐᐊᖅᑎᑦᑎᔨᖃᖅᐳᑦ ᓴᓂᑭᓗᐊᕐᒥ ᐃᑲᔪᕈᓐᓇᕋᔭᖅᑐᒥᑦ ᐊᐅᓪᓛᖅᑐᒥ. ᓲᖃᐃᒻᒪ, ᑭᓇᑐᐃᓐᓇᖅ ᕿᓂᕈᓐᓇᕆᕗᖅ ᓄᓇᓕᖕᓂᑦ ᓴᓇᐅᒐᐅᔪᓂᑦ ᓂᐅᕕᐊᒃᓴᐅᔪᓂᑦ ᓄᓇᓖᑦ ᐃᓗᐊᓂ.
ᒫᓐᓇᖑᔪᖅ, ᐊᐅᓪᓛᕐᓂᕐᒧᑦ ᐊᓪᓚᕝᕕᒃᑕᖃᙱᓚᖅ ᑭᓯᐊᓂ ᑐᓴᒐᒃᓴᓂᒃ ᖃᐅᔨᒋᐊᕈᓐᓇᖅᐳᑎᑦ ᕼᒻᓚᒃᑯᑦ ᑎᑎᕋᕐᕕᖓᓐᓂ (ᐅᖄᓚᐅᑖ: 867-266-7900) ᖄᒃᑲᓐᓂᐊᒍᑦ, ᐆᒪᔪᕐᓂᐊᖅᑎᑕᖃᖅᐳᖅ (ᐅᖄᓚᐅᑖ: 867-266-8098) ᑐᓂᓯᔪᓐᓇᖅᑐᒥᑦ ᑐᓴᕈᒥᓇᖅᑐᓂᑦ ᕿᑭᖅᑕᐅᑉ ᑎᖕᒥᐊᖏᓐᓂᑦ, ᐆᒪᔪᓂᑦ ᐊᒻᒪᓗ ᐃᒪᕐᒥᐅᑕᓂᑦ. ᐆᒪᔪᕐᓂᐊᖅᑎ ᖃᐅᔨᒋᐊᖅᑕᐅᔭᕆᐊᖃᖅᐳᖅ ᐊᖑᓇᓱᖕᓂᐊᕈᕕᑦ ᐅᕝᕙᓘᓐᓃᑦ ᐃᖃᓪᓕᐊᕐᓂᐊᕈᕕᑦ ᑎᑎᕋᕐᕕᖓᓂ ᑐᓂᓯᓲᖑᕗᑦ ᓚᐃᓴᓐᓯᓂᑦ ᐊᒻᒪᓗ ᑐᓴᒐᒃᓴᓂ ᐱᔾᔪᑎᓕᖕᓂᑦ ᐊᑐᐊᒐᓂᑦ. ᐊᐅᓪᓛᖅᑐᓄᑦ ᐱᔾᔪᔾᔨᓂᕐᒧᑦ, ᒪᕐᕉᖕᓂᑦ ᑐᔪᕐᒥᕕᒃᑕᖃᖅᐳᖅ (ᐊᒪᐅᓕᒃ ᑐᔪᕐᒥᕕᒃ ᐊᒻᒪᓗ ᑯᐊᐸᒃᑯᑦ ᑐᔪᕐᒥᕕᖓ ᓴᓂᑭᓗᐊᖅ) ᐊᒻᒪᓗ ᓂᐅᕕᕐᕕᒃ. ᒪᕐᕉᒃ ᖃᖓᑕᓲᑦ ᖃᖓᑕᒐᔪᒃᐳᑦ ᓴᓂᑭᓗᐊᕐᒧᑦ ᒥᑦᑕᕐᕕᖓᓄᑦ ᓄᓇᓖᑦ ᓯᓚᑎᑦᑎᐊᖓᓂ. ᓲᖓᑦ ᐃᓄᐃᑦ ᖃᖓᑕᓲᖓᑦ ᖃᖓᑕᓲᖑᕗᖅ ᒪᓐᑐᕆᐊᒥᑦ ᕿᓚᒥᑯᓗᒃ ᓄᖅᑲᓚᐅᑲᒡᓗᑎᒃ ᑰᒡᔪᐊᕌᐱᖕᒧᑦ. ᖃᖓᑕᔪᓐᓇᕆᕗᑦ ᐅᐃᓂᐱᐊᒃᒥᑦ ᑭᕙᓪᓕᕐᒥᑦ ᖃᖓᑕᓲᖓᒍᑦ. ᖃᐅᔨᒋᐊᒃᑲᓐᓂᕈᒪᒍᕕᑦ ᑎᑭᓐᓂᕐᒧᑦ ᐊᒻᒪᓗ ᑐᔪᕐᒥᓂᕐᒧᑦ ᓴᓂᑭᓗᐊᕐᒥᑦ ᖃᐅᔨᒋᐊᕐᕕᒋᒍᒃ ᕼᒻᓚᒃᑯᑦ ᑎᑎᕋᕐᕕᖓᑦ.
© ᐊᔾᔨᓕᐅᖅᑕᐅᔭᕆᐊᖃᙱᑦᑐᑦ ᕼᒻᓚᒃᑯᑦ ᓴᓂᑭᓗᐊᕐᒥᑦ 2009.